জেৎ ই ও

জোনেল ইদুকেসন ওফিস (জেৎ ই ও), তমেংলোং

জোনেল ইদুকেসন ওফিস, তমেংলোং, ডিষ্ট্রিক্ট হেদ ক্বার্টরগী অরিবা ত্রেজরিগী মনাক্তা লৈ। মসি অহানবদদি ডিষ্ট্রিক্ট ইদুকেসন ওফিস হায়না কৌরমই অদুবু মণিপুর সরকারগী থৌওং মতুং ইন্না জোনেল ইদুকেসন ওফিস হায়না ওনখিবনি।

ওফিস অসিনা প্রাইমারি স্কুল খরা ওটোনোমস ডিষ্ট্রিক্ট কাউন্সিলগী মখাদা লৈরবসু গ্রান্ট ইন এদ স্কুলশিং য়াওনা ইদুকেসন (এস) কী স্কুলশিং, হায়স্কুল অমসুং হায়র সেকেন্দরি থাক ফাওবগী স্কুলশিং য়েংশিল্লী। মরম অসিনা ইদুকেসনগী লমদা ওফিস অসিগী থৌদাং য়াম্না চাউই।

জেৎ ই ও গী মখাদা হৌজিক হৌজিক লৈরিবা স্তাফ কী ফিভম:

1. জেৎ ই ও – ১ (ইনচার্জ)
2. ডি আই – ১ (ইনচার্জ)
3. এ আই – ২ (রিগুলর) ২ ইনচার্জ
4. ইউ দি সি – ২(রিগুলর)
5. এল দি সি – ১ (রিগুলর)
6. গ্রেদ IV – ৩ (রিগুলর)
7. চোকিদার – ১ (রিগুলর)

জেৎ ই ওগী মখাদা লৈবা স্কুলশিং:

1. হায়র সেকেন্দরি স্কুল – ২
2. হায় স্কুল – ১৮
3. জুনিয়ার হায়স্কুল – ২৪
4. প্রাইমারি স্কুল – ৮৫
5. গান্ট-ইন-এদ – ১৭
6. আশ্রম স্কুল – ১

জেৎ ই ও তমেংলোংগী মখাদা লৈবা ওজা অমসুং গ্রেদ IV গী মশিং:

1. জেনরেল একাউন্টগী মখাদা লৈবা স্কুল ওজা – ১৩৮
2. এস এস এ গী মখাদা লৈবা প্রাইমরি টিচর – ৮৭
3. এস এস এগী মখাদা লৈবা অপর প্রাইমারি টিচর – ১৭
4. আর এম এস এগী মখাদা লৈবা গ্রেজুয়েৎ টিচর – ৬৭
5. গ্রান্ট-ইন-এদ কী মখাদা লৈবা ওজা ৩৩
6. স্কুল গ্রেদ IV – ১৩

ডিষ্ট্রিক্ট অসিগী মিদ দে মিল স্কিম

ৱাহৌদোক:

শম্লপ্পা ৱারোল: তমেংলোং ডিষ্ট্রিক্টতা মিদ দে মিল স্কিম অসি শক ১৯৯৫ গী নভেম্বর থাদগী চৎনবা হৌখি। ওনরেবল সুপ্রিম কোর্টকী তাং ২০/০৪/২০০৪ দব্লিউ পি (সি) নং: ১৯৬, ২০০১ গী য়াথং মতুং ইন্না ডিষ্ট্রিক্ট অসিগী গভর্ণমেন্ট অমসুং এদেদ প্রাইমারি স্কুলশিংদা থোংদোক্লবা চানবা চিঞ্জাক নবেম্বর ১৪, ২০০৪ দগী পীবা হৌখি। স্কিম অসি প্রাইমারি ক্লাস য়াওনা অপর প্রাইমারিদসু আগষ্ট ১,২০০৮দগী চৎনবা হৌখি। মতম অদুদগী প্রাইমারি স্কুল ৩১৪ অমসুং অপর প্রাইমারি স্কুল ৬০ শক ২০১৮-১৯ ফাওবগী মনুংদা কোনশিনবা ঙমখি।

স্কিম অসিগী মরমদা:

মিদ দে মিল অসি কেন্দ্রানা থৌদাং লৌবা (ফ্লেগশিপ) মরুওইবা প্রোগ্রাম নি। থোং থাকপগী মমল অমসুং পুজারিগী খুৎশুমলগী মতাংদা সেন্ত্রেল গভর্ণমেন্ট অমসুং ষ্টেট গভর্ণমেন্টনা চাদা ৯০:১০গী চাংদা পুথোক্নবনি। হৱাই-চেংৱাই অমদি পুথোক পুশিনগী অচংবা মমলদি কেন্দ্রা সরকারনা চামদা চামা পুথোকপনি।

স্কিম অসিগী মচাকশিং:

প্রাইমারি থাক্কী অঙাং অমদা নোংমগী ওইনা চানবা চিঞ্জাক অসি গ্রাম ১০০ অদুগা অপ্পর প্রাইমারিগীদনা নোংমাগী ওইনা অঙাং অমদা গ্রাম ১৫০ লাইরিক তম্বীবগী মতম খক্তগী ওইনা পীগনি। চাক থোংবগী খুৎশুমন্না প্রাইমারিগী থাক্তা অঙাং অমদা @৪.১৩ অদুগা অপর প্রাইমারিগী ওইনা অঙাং অমদা @৬.১৪ নি। পুজারিগী খুৎশুমন্না থা অমগী লুপা ১০০০/-গী চাংদা লাইরিক তম্বগা মরী লৈনবা থা ১০গী ওইনা পীগনি। চাকথোংমন অমসুং পুজারিগী খুৎশুমল এস এম দি সি, গী একাউন্তদা হাপকনি। থোং থাকপগী মমল শক ২০১৭গী জুন থা ফাওবগী থাদোকখ্রে।

থবক পাঙথোকখ্রবা:

শক ২০১৮ গী জুনৱারিদগী জুন থা ফাওবা গী এম দি এস চেঙ সরকারনা থাদোরকপগী মতুং ইন্না স্কুল পুম্নমক্তা য়েন্থোকখ্রে।

তমেংলোংদা সর্ভ শিক্ষা অভিয়ান:

সর্ভ শিক্ষা অভিয়ান অসি লৈবাক শিন্থুংনা অহানবা থাক্কী মহৈ মীপুম তিংনা হৈহন্নবা ভারত সরকারনা মিসনগী মওংদা লৌখৎলকপা ফ্লেগশিপ প্রোগ্রাম অমনি। মসিনা চহি ৬ তগী ১৪ ফাওবগী অঙাং পুম্নমক্তা কান্নবা অমসুং মরী লৈনবা মহৈগী থাক পীবগী পান্দম থম্লি।

আর টি ই এক্ট ২০০৯(রাইট ওফ চিলদ্রেন টু ফ্রী এন্দ কম্পলসরি ইদুকেসন এক্ট, ২০০৯) শক ২০০৯ দা ৱারেপ লৌখিবনি অমসুং ভারত সংবিধানগী আরটিকল ২১ এ দা হাপখিবনি। মসি শক ২০১০ গী এপ্রিল ১ দগী জম্মু অমসুং কাশ্মির ষ্টেট নত্তনা ভারত শিন্থুংনা চৎনবা হৌখি।

মণিপুরদনা বাবুপারাদা লৈবা সর্ভ শিক্ষা অভিয়ান, ষ্টেট মিসন ওথোরিটিনা আর টি ই এক্ট ২০০৯ চৎনহনবগী থবক্কী মপু ওই। ডিষ্ট্রিক্ট কী থাক্তনা তমেংলোংগী ডিষ্ট্রিক্ট মেজিষ্ট্রেটকী চেয়রমেনশিপকী মখাদা ডিষ্ট্রিক্ট বোর্দ ওফ ইদুকেসন, তমেংলোংনা এক্ট অসি থবক ওইনা পাঙথোকপগী থবক তৌই।

সিভিল ৱার্ক্স:

এস এস এ গী শাগৎ-খোগৎপগী থবক পুম্নমক তৌই। জি পি এস (গ্লোবেল পোজিস্নিং সিসটম)গী খুত্থাংদা স্কুল মেপিং শীজিন্নদুনা অনৌবা প্রাইমারি স্কুলশিং লৈতবা মফমশিংদা অমদি নৌনা অপ্পর প্রাইমারিগী থাক্তা ওনখৎলবা স্কুলশিংগী শঙশিং পীগনি। ফীভম শোক্লবা অমসুং কা মশিং য়াম্না লৈতবা স্কুলশিংদা নৌনা অহেনবা ক্লাসকী কা-শিং শাদুনা ফংহল্লি। নুপা নুপী পুন্না শীজিন্নবা খোঙ-হাম্ফম অমখক লৈবা মফমগী ওইনা নুপীমচাগী তোঙানবা খোঙ-হাম্ফম শাগনি। থক্নবা ঈশিংগী খুদোকচাবা লৈতবা স্কুলশিংদা থক্নবা ঈশিং ফংহন্নবগী খুদোংচাবা পিগনি। ইদুকেসনগী শরুক অমা ওইনা চত্থোক চৎশিন্দা অপনবা থোক্তনবা সিড়ি থাক য়াওদবা অঙম্বা মখলগী চৎথোক চৎশিন য়াবা লম্বী শেমগনি।

1. স্কুল শঙ লৈতবা খুনশিংদা অনৌবা প্রাইমারি স্কুল ২৬ শাগৎপগী থবক চত্থরি।
2. প্রাইমারি স্কুলদগী অপ্পর প্রাইমারি স্কুলগী থাক্তা ওনখৎলবা স্কুল ৭ শানবগী থবক চত্থরি।

পেদাগোজি (লাইরিক তম্বীবগী বিদ্যা):

মসিনা অফবা মতিক মগুণ লৈবা মখলগী মহৈ তম্বীবগী মীৎয়েং থম্মী। অসুম্না ফাওই মদুদি ইদুকেসনগী ক্বালিটি অসি ওজাশিংবু মখোয়গী মথৌদা কায়হন্দনা ত্রেনিং তৌবনা হেন্না ফগৎহনবা ঙমগনি। মরম অসিনা তমেংলোংগী ব্লোক পুম্নমক্তা থবক তৌরিবা ওজাশিংদা নুমিৎ ৫ নিগী সরভিস ত্রেনিং পীবনচিংবগী থবক পায়খৎলে। থা ১০ গী মনুংদা নোংমগী ওইবা ওজাশিং কাংলুপ কাংলুপ পুনশিন্দুনা উনবগী থবকসু পাঙথোকই।

কসতুরবা গান্ধি বালিকা বিদ্যালায়া (কে জি বি ভি):

মসি মাইনোরিটগী কাঙলুপ্তা চনবা নুপীমচাশিংবু অপর প্রাইমারিগী থাক্তা স্কুলদা লৈহন্দুনা লাইরিক তমহনবগী খুদোকচাবা পীনবা লিংখৎপনি। মণিপুরগী তৌসেম ব্লোক অসি মহৈ তম্বগী লমদা খ্বায়দগী শোত্থবা মফম্নি হায়রদুনা তমেংলোংগী নিউ মন্দু দা শক ২০০৭ তা কে জি বি ভি অসি লিংখৎখিবনি। হৌজিক্তি বিদ্যালায়া অসিনা ছাত্রী ১১৬ তা ক্লাস IX ফাওবগী মহৈ তম্বগী খুদোংচাবা পীরি।

য়ুনিফোর্ম:

এস টি গী নুপামচা অমসুং নুপীমচা মহৈরোইশিংদা মহৈরোই অমদা লুপা @ ৪০০/- গী চাংদা য়ুনিফোর্ম পীরি। চন্নবা য়াবা মহৈরোই ১৫,৯২৪ লৈবনা শক ২০১৭-১৮ গী ওইনা ষ্টেট প্রোজেক্ট ওফিসতগী লুপা ৬৩,৬৯,৬০০/-কী শেনফম ফংখ্রে। শেনফম অসি স্কুলদা লৈবা মহৈরোই মশিংগী মতুংইন্না মরী লৈনবা এস এম ডি সি গী বেঙ্ক একাউন্টদা চংহনখ্রে। মরি লৈনবা এস এম ডি সি না মখোয়গী অঙম্বা থাক্তা য়ুনিফোর্ম লৌরক্লগা মহৈরোইশিংদা য়েন্থোকপনি।

ফ্রী টেক্সট বুক (লেম্না লাইরিক ফংহনবা):

গভর্ণমেন্ট অমসুং গভর্ণমেন্ট এদেদ স্কুলশিংগী মহৈরোইশিংদা টেক্সটবুকশিং লেম্না ফংহল্লি। লাইরিকশিং অসি ডিষ্ট্রিক্টকী মহৈরোইশিংগী মশিংগী মতুংইন্না ওফিস না এস পি ও, ইম্ফালদগী লৌগনি অদুগা তমেংলোংগী দি পি ওনা স্কুলশিংদা য়েন্থোক্কনি।

আউৎ ওফ স্কুল চিলদ্রেন (লাইরিক তমদ্রবা অঙাংশিং):

লাইরিক তমদ্রবা অঙাংশিংবু আর টি ই এক্ট ২০০৯ গী মতুংইন্না মশাগী চহিগা চানবা ক্লাসতা লাইরিক তম্নবা অখন্নবা ত্রেনিংগী খুদোকচাবা পী। ত্রেনিং অসি ছাত্রদুগী তঙাইফদবদু য়েংলগা স্কুলদা লৈরগা নৎত্রগা লৈতনা থা ৩দগী চহি ২ ফাওবা পীগনি। তমেংলোং ডিষ্ট্রিক্টকী ওইনা শক ২০১৭-১৮দা মহৈরোই ১৮৩ দনা স্কুল দা লৈরগা ত্রেনিং পীবা অদুগা মহৈরোই ১২২ দনা স্কুলদা লৈতনা ত্রেনিং পীবগী খুদোংচাবা ফংহনখ্রে। পুন্না মহৈরোই ৩০৫ দা শক ২০১৭-১৮ গী ওইনা আর এস টি অমসুং এন আর এস টি গী খুদোংচাবশিং ফংহনখ্রে।

কম্পু্টর এদেদ লারনিং:

মখল অসি অপর প্রাইমারি থাক্কী চাত্রশিংদা কম্পুটর খঙহন্নবনি। মসিনা মরুওইনা হায়রিবদি মহৈরোইশিংদা ই-লারনিংগী লৌশিং হেনগৎহন্নবনি। তমেংলোংদা অপর প্রাইমারি স্কুল ২৬তা কুম্পুটর লেবোরেটরি হাংদোকখ্রে।