দিষ্ট্রিক্ট ইনফোরমেসন ওফিস, তমেংলোং ই, ১৯৭৫ গী জনুৱারি থাদা দিষ্ট্রিক্ট ইনফোরমেসন য়ুনিট হায়না দিপুটি কম্মিস্নর, তমেংলোংগী ওফিসতা এটেচ তৌদুনা হাংদোকখি। য়ুনিট অসি হাংদোকপা মতমদা ওফিসর য়াওদনা শুপ্নগী স্তাপ অহুম (৩) খক্না থবক তৌবা হৌখি। দিষ্ট্রিক্ট ইনফোরমেসন য়ুনিট হায়না খঙনরম্বা ওফিস অসি চহি মঙাগী মতুংদা ইং,১৯৮০ দগী দিষ্ট্রিক্ট ইনফোরমেসন ওফিস হায়না মিং ওল্লবা মতুংদা দিপুটি কম্মিস্নরগী ওফিতগী দিষ্ট্রিক্ট অসিগী তোঙান তোঙানবা মফম কয়াদা হোংদোক্তুনা থবক তৌকখি।
অহানবা ওইনা ওফিস অসিদা তমেংলোং দিষ্ট্রিক্ট ওফিসার ক্লবতা হোংবা হৌখি। মসিগী মতুংদা টেলিফোন ওফিস কমপ্লেক্স, মথংদা তমেংলোং হায়র সেকেন্দরি স্কুল, মথংদনা জাদোনং পার্কতা লৈবা লনাই য়ুম অমদা হোংলবা তুংদা তমেংলোং টাউন্দা লৈবা লনাই য়ুম অমদা মতম খরা শাংনা লৈদুনা ওফিস অসি থবক তৌখি। মমৈথংদা ওফিস অসি সেন্ট্রেল গভর্ণমেন্টকী দিপার্টমেন্ট অমগা য়ানদুনা মখোয়গী ওফিস বিল্ডিং অদু লমগা কোন্ননা ওফিস অসিদা পিথোক্লমদুনা মতম খরা লৈতানা লৈবা ঙমখি। অদুবু ঙসিদগী চহি কুন লোমগী মমাংদা মতম অদুদা থোকখিবা অ.ন.স.ম. গী ইরাং অমগী খুদোংচাবা লৌদুনা ওফিস বিল্ডিং অদু শকখঙদবশিংনা তুম্না মৈ থাদোক্তুনা অমাং অতা থোকহনখি। মসিগী তুংদা ষ্টেট গভর্ণমেন্টগী অপিকপা বিল্ডিং অমদা ওফিস ওইদুনা লাক্লি। মতম অয়াম্বদা ওফিস অসিগী লৈফম থোকপা সেক্সন পোষ্টকী স্তাফ মশিং ঙসি ফাওবা সুবা ঙমদনা লৈরি। হৌজিক হৌজিক্কী ওইনা দি.আই.ও. অমা রিপোর্টর অমা অমদি গ্রেট-৪ অমনা ওফিসকী থবক তৌরি।
ওফিস অসিগী পান্দমদি সরকারনা পায়খৎখ্রবা, পায়খৎলিবা অমদি পায়খৎকদবা চাওখৎ থৌরাংগী থবকশিং প্রেস রিলিজ,প্রেস নোট, ফিচর আরটিকল অমদি ফিল্ম উৎপনচিংবা তৌদুনা মীয়ামদা খঙহনবনি। ওফিস অসিগী মরুওইবা থবকশিংদি সরকারগী ওইবা ভি.ভি.আই.পি. অমদি ভি.আই.পি য়াওবা নেসনেল অমদি ষ্টেটকী থাক্তা পাঙথোকপা থৌরমশিংগী মথক্তা সরকার অসিনা পরিং নাইনা চত্থবা চাওখৎ থৌরাংগী থবকশিং প্রিন্ট অমদি ইলেক্ত্রোনিক মেদিয়াগী খুত্থাংদা মীয়ামদা ঈ-পাউ য়ৌহনবা, চহি খুদিংগী রিপব্লিক দে অমদি ইন্দিপেন্দেন্স দেগী থৌরমশিংদা সরকারনা মীয়ামগীদমক্তা পায়খৎলিবা চাওখৎ থৌরাংগী থবকশিং মপুং ফানা উৎপা ‘‘তমেংলোং দিষ্ট্রিক্ট নিয়ুজ বুলেটিন’’ পুথোকপা, ‘‘দি গভর্ণমেন্ট এন্দ দি পিপল – ইন্টর পরসনেল কম্মু্নিকেসন কেম্পেন ওন ফ্লেগশিপ প্রোগ্রাম ওফ দি গভর্ণমেন্ট’’ হায়বা ৱাখল্লোন্দা স্পিসিয়েল পব্লিসিটি কেম্পেন পাঙথোকপা, নহারোলশিংদা জরনেলিজমগী লৌশিং পীনবগীদমক নুমিৎ তরেৎনিগী ওইবা বেসিক ট্রেনিং ইন নিয়ুজ রিপোর্টীং ’’ পাঙথোকপা, সরকারনা পায়খৎলিবা থবকশিংন মপুং ফানা উৎপা ফোটো ইকজিবিসন অমদি ফিল্ম সোনাচিংবা পাঙথোকপা অমসুং পুম্নমকসিগী মথক্তা এম.পি., এম.এল.এ অমদি এ.দি.সি. ইলেক্সনশিংগী মরি লৈনবা ঈ-পাউ মীয়ামদা ফংহনবনি।
ওফিস অসিনা ফন্দগী ফিভম য়েংলগা চাং নাইনা মীয়ামদা পাউ-চে পাহনবগী খুদোংচাবা ফংহনবা, নেটকী খুদোংচাবা পীবা অমদি টি.ভি. গী খুৎথাংদা ঈ-পাউনচিংবা য়েংহন্নবগী পান্দমসু থম্লী।