সংস্কৃটি অমসুং জাতি
তমেংলোং অসি মশিং য়ামদবা মার, চিরু অমসুং খাসি শিংগী মথক্তা জেলিয়াংরোং জাতি (রোংমৈ, লিয়াংমৈ, জেমৈ অমসুং পুমৈ য়াউনা) অমসুং কুকিশিংনা নম্না তাই। জেলিয়াংরোংশিং অসি মংগোলিয়ান জাতিগী সিনো টিবেতান শাগৈগী টিবেতো – বরমন (ইন্দো-মংগোলোইদ) নি। ইতিহাস তা য়ুম্ফম ওইরগা অসুম্না লৌনৈ মদুদি জেলিয়াংরোং নাগাশিং য়াওনা মঙ্গোলোইদ কাঙলুপশিং অসি ইতিহাস মমাংগী মতমদা চাইনাগী য়াংজি অমসুং হোৱাং হো তুরেলশিংগী মথক থংবা মফমশিংদা খুন্দারম্মী।
জেলিয়াংরোং অসি নুপানা পানবা সমাজগী মচৎতা য়ুম্ফম ওই। শাগৈ খুদিংমক চপ মান্নবা থাক্তা লৈ। অতোপ্পা জাতিগা লৌনা লৈনবা য়াম্না চেকশিন্না য়েংশিল্লি।মনেগী মচা লুহোংবা খ্বাইদগী পাম্নৈ অদুগা মমাগী মবুং নৎত্রগা মৌপ্বাগী মচা লুহোংবদি য়াম্না তাঙনা থোকই । নাগা জাতিগী সাধারন ওইবা চৎনবিশিং ইনবগী মথক্তা মখোয়গী শকখঙদবা অমসুং অকিবা চৎনবিশিং লৈরি। মখোয়শিং অদু মখাগী অসুম্না পীরি।
- নাসিথৈমৈ নৎত্রগা নাথিথৈমৈ
- মনদু (বোন মনি)
- লুহোংবগী মচৎ
নাসিথৈরমৈ নৎত্রগা নথিথৈমৈ:
নুপী অমনা অঙাং উনবা মতমদা লৈতবা থোক্লবদি অঙাং অদু হিংহনবগী অয়াবা পীদে অমসুং লৈখিদ্রবা মমা অদুগা পুন্না ফুমগদবনি।
মন্দু (বোন মনি)
মন্দু হায়বসি য়ুম পাল্লবা নুপী অদুনা ফংদবা য়াদবা শেনফম অমনি। মসি মপারোমগা মরি লৈনবা মীওইশিংনা তানগদবনি। নুপী অদুনা শিরবা মতমদা মহাক্কী মপানা মপুরোইবদগী মন্দু তানগনি নৎত্রগনা মপুরোইবনা শিবা থোক্লগনা মপুরোইবগী খ্বাইদগী নক্নবা মরি মতাদা তানগনি। মন্দুনা নুপী অমসুং চারোন শুরোনগীদমক্তা য়াম্না চেকশিন্না শোয়হন্দনবা হোৎনবনি।
লুহোংবাগী চৎ-পথাপ:
সধারন ওইনা য়ানা শিংনরগা নৎত্রগনা চেল্লগা লুহোংবা নত্তবা অতোপ্পা মখলগী লুহোংবসু লৈ।
- নৌমাং-মৈ-নৌ-কাও (থবক ওইনা লুহোংবা) নাকল অনিনা য়ানদুনা নুপা অদুনা নুপী ময়ুমদা চহি অহুম নৎত্রগা মরি মপুরোইবা অমসুং নুপী ওইনা লৈরুরবা মতুংদা কোন্নথংদা ময়ুমদা হল্লক্কনি।
- চামৈমৈ: নুপী অমগী মমা মপানা অতোপ্পা ইমুং অমগী শেল তোল্লবা নৎত্রগা তৌবিমল উৎপা ওইনা নুপী অদুগী অপাম্বাগী মায়োক্তা ফাওবা লুহোংবগী মখল অমনি।
- নাওকাখাওমৈ: খুদোংথিবা নংদুনা নুপা অমনা শিবা থোক্লবদি নুপা অদুগী মচাশিং অদু খ্বাইদগী নক্নবা মনাউনুপা অদুনা য়েংশিনগনি অমসুং ময়াম্বগী নুপী অদু অমুক হন্না লুহোংগনি।