ডিস্ট্রিক্টকী মরমদা
তমেংলোং ডিষ্ট্রিক্ট অসি নোংপোক্তনা সেনাপটি ডিষ্ট্রিক্টনা, নোংচুপ্তনা অসামগী নোর্থ কাছার হিলস ডিষ্ট্রিক্ট, অৱাংদনা নাগালেন্দগী পেরেন ডিষ্ট্রিক্টনা অমসুং খা মায়কৈদনা মণিপুরগী চুরাচান্দপুরনা কোয়শিল্লি। ডিষ্ট্রিক্ট অসি শক ১৯৭২ গী মমাংদা মণিপুর ৱেষ্ট ডিষ্ট্রিক্ট হায়না খঙনরম্মী। মসি রাজ্যগী কোনুং ইম্ফালদগী খ্বাইদগী লাপ্পা ডিষ্ট্রিক্ট অমনি অদুগা মসিগী ডিষ্ট্রিক্ট হেদ ক্বার্টর অসিমকসু রাজ্যগী কোনুংদগী কিলোমিটর ১৪৭ ওইদুনা খ্বাইদগী লাপ্পা ডিষ্ট্রিক্ট হেদ ক্বার্টর ওইরি।
শক ১৯৪৭, ভারতনা নীং-খা তম্বা ফংবা মতমদা ডিষ্ট্রিক্ট অসি গাড়ী চত্থোক চৎশিন য়াবা লম্বীনা শম্নরমদে। কাংপোকপি ফাওরগা খুন তরেৎলোম লান্থোক্তুনা মাইল ৭৫ শাংবা ইম্ফাল-তমেংলোং (আই.টি. রোড) না তমেংলোং ডিষ্ট্রিক্টপু রাজ্যগী কোনুংগা ফাওনহনবা তমেংলোং ডিষ্ট্রিক্টতা শেমগৎখিবা অহানবা গাড়ী চেনবা য়াবা লম্বীনি। লম্বী অসি শক ১৯৫৭ তা অহানবা ওইনা হাংদোকখি। কোন্নথংদা রাজ্যগী কোনুংদগী ডিষ্ট্রিক্ট হেড ক্বার্টরগী খুন তরুক ফাওরগা কিলোমিটর ৩৯.৫ শাংবা খোংশাং-তমেংলোং রোড হায়না খঙনবা লম্বী অসি এন.ঐচ. ৫৩ দগী তমেংলোং ফাওবা ষ্টেটনা শেম্লম্মী। শক ১৯৭৯ দা তৌশেম-নিউ কাইফুনদাই রোড হাংদোকখি। লম্বী অসিনা তৌশেম সব-ডিভিজনগী খুন ৮ শম্নহল্লী। লম্বী অসিদা গাড়ী মচাশিং চেনবা য়াই। হৌজিক্কী ওইনদি তৌশেমদা বস চেনবদি লৈত্রি। তশেংনা হায়রবদা ডিষ্ট্রিক্ট অসিগী খুঙ্গংশিংগী চাদা ৪৫.৮%.রোমদি নোংজু নুংশা খায়দনা গাড়ী চৎপা য়াবা লম্বীনা শম্নহনবা ঙমদ্রি।
বৃটিশকী লৈঙাক মতমদা ওল্ড কাছার রোডনা নুঙবাগা সব-দিভিজনেল হেড ক্বার্টর তমেংলোংগা শম্নহল্লম্মী অদুবু ঙসিদি লম্বী অসি থম্মোয় শোক্নীংঙাইগী মশক ওইরে।
ডিষ্ট্রিক্ট অসিদা চেল্লিবা মরওইবা তুরেলশিংদি বরাক (অহু), ইরং, মক্রু (মখু), ইরিং, ইজৈ (অগা) অমসুং অপাহ তুরেলনচিংবনি। বরাক (অহু) না খ্বাইদগী চাউবা তুরেলনি। হৌজিক ফাওবগী ওইনদি তুরেল অসিগী ঈশিং অসি ইথৈ-লৌখোং অমসুং মৈ পুথোকপদা শিজিন্নদ্রি।
ডিষ্ট্রিক্ট অসিদা অশুকপা উমংশিং ফংই। নুঙবা সব-ডিভিজনগী কাম্নিংচীংগী উমং অসি মখল কয়াগী শা অমসুং পাম্বী ফংবা মহৌশাগী উমংনি। মসিগা মান্নবা মওংদা মনুং হঞ্জিন্না লৈবা লেমটা, নাল্লোং, কাদি, কুইলোং, লাংপ্রম, তাইপ্রম, ইনেম, মগুলোং, ফোক্লোং,জিংনিং, ককুই অমসুং থিউলোন খুনশিংদা অশুকপা উমংশিং লৈরি। উমংশিং অসিদা মখল কয়াগী উশিং অমসুং শাশিং ফংই।
উমংশিং অসিদা হোর্নবিল, হুলোক গিবোন, স্লো লোরিসনচিংবা অতাংবা মখলগী শাশিং ফংই। উমংশিং অসিদা হীদাক লাংথক্কী মনা মশিংসু ফংই। লম অসি পাম্বী অমসুং শাগী পুন্সি মহীঙ্গীদমক্তা নিংথিনা খঙনৈ।
লম অসিগী বরাক তোর্বান, খৌপুম তম্পাক অমসুং কুনফুংগী অপিকপা লৈতেম মান্নবা মফমশিং অসি নত্তনা অয়াম্বা শরুক্তি চীংঙাক্তনি। লৈতেম মান্নবা লমগী শরুক্না শুপ্নগী হেক্ত্যর ১০০০ রোমতনি। মসিনা মরম ওইদুনা ঈশিংগা শাগোন্ননা লৌউ-শিংউগী থবক মরাং কায়না তৌবা ঙমদে। মরম অসিনা পাম্লৌগী লৌউ পথাপনা মরু ওইবা লৌউ পথাপ্নি। ডিষ্ট্রিক্ট অসিগী ফৌগী পোত্থোক্না মীয়ামগী তঙাই ফদবা অদু কোন্নবা ঙমদে।