খুৎ-শা হৈবগী শিল

মৈহৌরোলগী মফমদুদা লৈরক্লবা মীশিংগী মরক্তা মতং মতং চৎনরক্লবা খুৎশা হৈবগী শিল

অরিবা মতমগী খুৎশা লৈবগী শিলগী ফিভমশিং:

খুৎশা লৈবগী শিলশিংশিং অৱাং নোংপোক ভারতকী মীশংগী পুন্সি মরেলশিংগা য়াম্না মরি লৈনরম্মী। মখোয়গী চাউখৎ থৌরাংগী থবক কয়া লৈত্রবসু মখোয় মথন্তা হিংজনবা থাদোকপা য়াদ্রবা শিনফম কয়া লৈরম্মী।ইমুংদুদা লৈরিবা মীশিংনা মখোয়গী হিংনবগী চংদবা য়াদ্রবা পোৎলম কয়া শারম্মী। সমুংদুদা দরকার ওইবা পোৎ খুদিংমক ইমুংগী অহল-নহাশিংনা শাবা ঙমদ্রবদি মীয়ামদগী ইন্থোকপা নৎত্রগা তোখায় তাহনবগী চৎনবী লৈরম্মী। য়াম্না শাংনা হায়দ্রসু ইমুং অদুগী মপুং ফারবা মী খুদিংমক্না খুৎশা হৈবগী শিনফমসিদা হৈনরম্মী।

মহৌশাগী মীশিংনা খুৎশা হৈবগী শিলশিংসি য়ামদ্রবদা মরম অনিদা শীজিন্নরম্মী মখোয়শিংদুদি- নুপাগীনা লী অমসুং ৱাগী শিনফম অদুগা নুপীগীনা খ্বাংগী ফি শাবগী শিনফম অসিদসু নৎত্তনা সনা-লুপাগী খুৎশা হৈবগী শিনফম তৌরম্মী।

লী অমসুং ৱাগী খুৎশা হৈবগী শিনফমশিংদগী পুথোকপা পোৎশিংগী মনুংদা য়েনদাই অহোবা, য়াংকোক, ফৌরা, মখল-মকাগী ফক্লাংদা য়ানবা পোৎশিং, ফক, থুমোক মখুম, শা তান্নবা খুলিাইশিং, থৌরি, য়েনকোক, চাক অমসুং য়েঞ্ছাং ওৎনবা খাবৈ পুম্নমকশিং নুপানা শাবনি।

নুপশিংগী নুমিৎ খুদিংগীশীজিন্নবা ফিরোল হরাও-কুহ্মৈদা শীজিন্নবা ফিরোল কয়াসু শারম্মী। মরক মরক্তা শীজিন্নবা ফিরোল কয়াসু শারম্মী। মশিং থিঙমদ্রবা ফিরোল কয়া, মখল কয়াগী হরাল-কুহ্মৈদা নুপা অমসুং নুপীশিংনা শীজিন্নবনবা ফিরোল কয়াসু নুপীশিংনা শারম্মী।মপুং ফারবা নুপা অমসুং নুপীশিংগী খুৎ-শা হৈবগী জ্ঞানশিংসি উবদা মীশিংনা অঙকপা ফাওগনি।

নুপা অমসুং নুপীশিংনা মপুং ফানা চাউরবা মতমদা, খাংচিয়ু অমসুং কাইলিয়ু হায়না খঙনবা মহৈ-তম্ফমশিংদা খুৎশা হৈবগী শিল, অতোপ্পা মহৈ অমদি সমাজগী চনিবী কয়া তম্নবা থারম্মী। হায়রিবা মফমশিংসিদা নুপামচা অমসুং নুপীমচাশিংগী লৈফমসু পীরম্মী।

হৌজিক মতমগী খুশিা হৈবগী শিল:

মমাংঙৈদা মীপুম খুদিংমক্না খুৎশা হৈবগী থবক তৌরম্বদু হৌজিক মদমদদি তৌদ্রে। খুৎশা হৈবগী শিনফমসি মমাংঙৈগী মতমদদি দরকার ওইবা পোৎশিংগী শিনফম ওইরম্বদু হৌজিক্কী মতমদদি শেল-থুমগী ফিবম ফগনিবা শিনফম ওইরক্লে।অদুগা শিনফমসি হৌজিক্কী মতমদদি শিনফমসিবু পামজবা অমদি হৈরবা মীওস খরদনা তৌরে।

অদুগা হৌজিক্তি নুমিৎ খুদিংগী শীজিন্নবা পোৎলমশিং, শাবদা নত্তনা য়াম্না শেংলবা অমসুং ফজরবা মমল য়াম্লবা অকে-অমৌগী পোলিমশিং শারম্মী।

অদুগা হৌজিক্তি নুমিৎ খুদিংগী শীজিন্নবা পোৎলমশিং, শাবদা নত্তনা য়াম্না শেংলবা অমসুং ফজরবা মমল য়াম্লবা অকে অমৌগী পোৎলমশিং শারম্মী।

চাউখলিবা ইমুং মনুংগী মীশিংনা শীজিন্নবা খুৎশা হৈবগী পোৎলম করা মখোয়না পোৎকী মগুণ অমসুং অচৌ-অপিককী মতুংইন্না লেপ্পা মমলগা লোয়ননা মকাদা পীজরি।

  1. লীগী শোফা শেত (লুপা ৩০,০০০/-দগী লুপা ৫০,০০০/- ফাওবা)
  2. লীগী ফক নৎত্রগা কারপেৎ (লুপা ৫,০০০/-দগী লুপা ৪০,০০০/- ফাওবা )
  3. লীগী টুপী (লুপা ১,৫০০/-দগী লুপা ৫,০০০/- ফাওবা)
  4. লীগী শুটকেস (লুপা ৫,০০০/-দগী লুপা ১০,০০০/- ফাওবা)
  5. লীগী চৌক্রি (লুপা ২,০০০/-দগী লুপা ৩,০০০/- ফাওবা)
  6. লীগী অশাংবা থুমোক (লুপা ১,৫০০/-দগী লুপা ২,০০০/- ফাওবা)
  7. লীগী য়েন্দাস থুমোক (লুপা ৭০০/-দগী লুপা ১,০০০/- ফাওবা)
  8. নুপী লীগী খাও (লুপা ৭০০/-দগী লুপা ১,০০০/- ফাওবা)
  9. লীগী পোৎলম হাপ্নবা থুমোক (লুপা ১,০০০/-দগী লুপা ১,৫০০/- ফাওবা)
  10. লীগী যুপীগী বেল্ট (লুপা ৩০০/-দগী লুপা ৪০০/- ফাওবা)
  11. লীগী য়াংকোক (লুপা ৫০০/-দগী লুপা ৭০০/- ফাওবা)
  12. পোৎ ফৌনবা অচৌবা লীগী ফৌরা পুখম (লুপা ১,০০০/-দগী লুপা ১,৪০০/- ফাওবা)
  13. লীগী লৈ হাপ্নবা পাত্র (লুপা ১,০০০/-দগী লুপা ১,৫০০/- ফাওবা)
  14. ৱাগী কপ (লুপা ১০/-দগী লুপা ৩০/- ফাওবা)
  15. ৱাগী বাঁশি (লুপা ৩০/-দগী লুপা ৫০/- ফাওবা)
  16. য়ু শুম্নবা ৱাগী প্রাত্র (লুপা ১০০/-)
  17. ৱাগী নঙ্গলদা পুবা সম (লুপা ১০০/-)

মথক্তা পীরিবা পোৎশিংসি ৱানা অহোংবা মমলদা শাবনি।

মখাদা পীরিবা ফিগী পোৎশিংসি নুপীশিংনা খুৎশা লৈবগী শিনফম্না নুপা অমসুং অহল অমদি থৌদোক কয়াদা শীজিন্নবা মখোয়গী পোৎকী মগুরগী মতুংইন্না হৌজিক হৌজিক্কী লেপ্পা মমলগী মতুংইন্না পীজরি।

  1. নুপাগী হাল্ফ জেকেট (লুপা ২,০০০/-দগী লুপা ৩,০০০/- ফাওবা)
  2. নুপীগী মখল কয়াগী ফনেক (লুপা ২,০০০/-দগী লুপা ১০,০০০/- ফাওবা)
  3. নুপাগী মখল কয়াগী ইন্নফি (লুপা ৩,০০০/-দগী লুপা ৫,০০০/- ফাওবা)
  4. শমুদ্রগী মালা মরুনা শাবা লিক (লুপা ২০০/-দগী লুপা ৫,০০০/- ফাওবা)
  5. ঙক্কী টাই (লুপা ৫০০/-দগী লুপা ১,০০০/- ফাওবা)
  6. নুপীগী জগোয় শাবদা লীৎপা ফুরিৎ (লুপা ১৫,০০০/-)

মথক্কীদা নত্তনা মখাদা উনা শাবা খুৎশা হৈবগী পোৎলমশিং পীজরি।

  1. নুপাগী টুপী (লুপা ৫০০/-দগী লুপা ১,৫০০/- ফাওবা)
  2. লেগ প্লেত (মখোং য়াওবা পুখম) (লুপা ৫০০/-দগী লুপা ৫,০০০/- ফাওবা)
  3. মখোং য়াওদবা পুখম (লুপা ২০০/-দগী লুপা ৫০০/- ফাওবা)
  4. য়েঞ্ছাং হাপ্নবা পাত্র (লুপা ২০০/-দগী লুপা ৫০০/- ফাওবা)
  5. চেং পুনাবা পাত্র (লুপা ৩০০/-দগী লুপা ৫০০/- ফাওবা)
  6. গম্লা (লুপা ২০০/-দগী লুপা ৫০০/- ফাওবা)
  7. কেন্দল (লুপা ২০০/-দগী লুপা ৫০০/- ফাওবা)
  8. চৈশু (লুপা ২০০/-দগী লুপা ৫০০/- ফাওবা)
  9. খ্বাঙ্গী ফি শানানাবা সেট (লুপা ১০০০/-দগী লুপা ২০০০/- ফাওবা)

মথক্তা পীরিবা পোৎলমশিং অসিদি মশিং থিঙমদনা লৈরিবা পোৎলমশিংগী মনুংদা খুদম খরতনি। পোৎলমশিং অসি অয়াম্বনা য়ুমদা শাবা ঙাক্তনি। মখোয়শিং অসি থবক ফংদবা মীওই খুদিংমক্না অমসুং য়ুমথোং খুদিংদা অহিং নুংথিল খায়দনা মীশিং অসি কালা মখল অসিদা অমসুং শেল তানবগী লম্বীদা নিংথিনা তাকপি তম্বীরবা ঙাক্তনি হায়বদু উৎলদুনা থবক শুবা য়াই। হেন্দিক্রাফ্ট হায়না খঙনরিবা অসি হৌজিক্কী ওইনা লী, ৱা, উ, শামতু অমসুং লশিংদা মায় ওনশিন্দুনতা লৈরে। মসি প্লাসতিক, য়োৎ এলুমিনিয়ম নুঙ চে অসিনচিংবদসু পাকথোক চাউথোকহনবা য়াই।

মথক্কী ফিভম অসিদা থবক্কী মতাংদা গভর্ণমেন্টগী থৌরাং য়াৎলিবশিংনা মীশিংদা মরুওইনা থবক ফংদ্রিবা নহাশিংবু নিংথিনা ৱাখল তাহন্দুনা খুৎ-শাগী মেল শিনবা, মচাকশিংগী সব-সিদি অমসুং সোফ্ট লোন পীদুনা খুৎ-শাগী মরমদা তাকপী তম্বীবগী মফমশিং হাংনবা ৱাখল য়াম্না থাদবা য়াই। অসিগুম্বা হৌদোকপা অসিনা লেপ্তনা হেনগৎলক্লিবা থবক ফংদবগী ৱাফম অসি কোকহনবদা অমসুং মীয়ামগী শেল থুমগী থাক ফগৎহনবদা মতম শাংনা চৎকদবা লম্বী ওইগনি।