ডিস্ট্রিক্ট প্রোফাইল

তমেংলোং, শক ১৯৬৯ গী নভেম্বর ১৪ দা শ্রী কে: লম্ফেল, এম.সি.এস. না অহানবা ডিপুটি কম্মিস্নর ওইদুনা মপুং ফাবা ডিষ্ট্রিক্ট ওইখি। মহাক শক ১৯৭২, আগষ্ট ১৩ ফাওবা মফম অসিদা থবক তৌরমখি। ডিষ্ট্রিক্ট অসি মণিপুরগী ডিষ্ট্রিক্ট মাপনগী মনুংদা খ্বাইদগী লাপ্পা ডিষ্ট্রিক্ট অমনি। মসি রাজ্য অসিগী নোংচুপ থংবা মায়কৈদা আসাম অমসুং নাগালেন্দগী রাজ্যগী লোন্নবদা অৱাংলোমদগী খা-মায়কৈ পাংনা শন্দোক্তুনা লৈ। ডিষ্ট্রিক্ট অসিগী লৈফম অসি নোর্থ লোংগিটুট তা ডিগ্রী ২৪.৫৯ দগী অমসুং নোংপোক লোংগিটুট তা ডিগ্রি ৯৩.৩০ ঈ, নি। অলটিটু্ট না (অবভ এম.এস.এল) ১২৬০ মিটরস (৩৭৮০ ফিট এম এস.এ), লেটিটুট না (ঐচ.কিয়ু)২৪.৫৯ এন, লোংগিটুটনা (ঐচ.কিয়ু), ৯৩.৩০ ঈ, হু্মিদিটিনা ৭৬% (মিনিমম), ৯২% (মেক্সিমম), নোং চুবগী চাং (ঐচ.কিয়ু)৩১৩৫ এম এম, অঈং-অশাগী চাং, ৩১’সি.(মেক্সিমম) ৪’ সি. (মিনিমম), লাইরিক হৈবগী চাং ৫০.১৬% নি।

ডিষ্ট্রিক্টকী লমগী ঙম্খৈ:

তমেংলোং ডিষ্ট্রিক্ট কী অৱাং-নোংপোক থংবা শরুক সেনাপটি ডিষ্ট্রিক্টকা তাইনৈ। খা থংবা শুরুক্তনা চুরাচান্দপুর ডিষ্ট্রিক্টকা,খা-নোংচুপ্তনা ইম্ফাল ৱেষ্ট ডিষ্ট্রিক্টকা, নোংচুপ থংবা শরুক্তনা অসামগী নোর্থ কছার হিল্স ডিষ্ট্রিক্টকা অমসুং অৱাং থংবা শরুক্তনা নগালেন্দগা তাইননা লৈ।

পাক চাউবা অমসুং লম্মিৎ-তুম্মিৎঃ

ডিষ্ট্রিক্ট অসি ভারতকী অৱাং নোংপোক থংবা মফমদা লৈ। মসিগী অপুনবা লমগী পাক চাউবা অসি স্ক্বার কিলোমিটর ৪৩৯১ নি। মসিদা মণিপুরগী অপুনবা লমগী শরুক চাদা ১৯.৭০ য়াওরে। মসিগী উমংগী শরুক অসি শক ২০১১ গী ফোরেষ্ট সরভে ওফ ইন্দিয়াগী মতুং ইন্না ডিষ্ট্রিক্ট অসিগী অপুনবা লমগী চাদা ৮৮ নি। লম্মীৎ তুম্মীৎকী ফিভমদি তম্পাক্কী শরুক্না খরদমক ওইবা য়াম্না ঙম্বা চীংগী শরুক্না অয়াম্বনি। চীংশাংগী শরুক অসি অয়াম্বনা অৱাংলোমদগী খা-মায়কৈরোমদা শন্দোকই। ডিষ্ট্রিক্ট অসিদা চেল্লিবা অচৌবা তুরেলশিংদি বরাক, ইরং, লৈমতাক, মক্রু অমসুং ইজৈ তুরেলনি। তুরেলশিং অসিনা মফম অসিগী মীয়ামদা লৈহাও লৈবা তম্পাক্কী লম অমসুং ঙাশিং পীবদা নত্তনা শেল থুমগী ফিভমগা মরি লৈনবা লম্বীদা অচৌবা থৌদাং লৌই লোয়ননা মরুওইবা হায়দেল প্রোজেক্ট পায়খৎপদসু ওইথোকপা য়াবা ওইহল্লি।

ঈশিং নুংশিৎকী ফিভম:

কালেন থাগী মতমদা চোৎ চোৎ লাউই অমসুং নিংথম থাগী মতমদনা কা হেন্না ইংঙি। নোংজু থাগী মতমদা এপ্রিলদগী হৌরগা চহিগী ওইনা নোং মরাং কায়না চুই।

নোং চুবগী চাং:

ডিষ্ট্রিক্ট অসিগী চহিগী নোং চুবগী চাং অসি খা নোংচুপ থংবা শরুক্তা এম এম ১৪০০ গী মখাদনি, অৱাং নোংপোক থংবা শরুক্তনা এম এম ১৮০০ দগী ২০০০ ফাওবনি অদুগা অৱাংগী ময়ায় থংবা অমসুং ডিষ্ট্রিক্ট কী খা থংবা শরুক্তনা এম এম ২০০০ গী মথক্তনি।

লৈবাক লৈহাওঃ

মপুং ওইনা মফম অসিগী লৈহাওগী মওং অসি অয়াম্বনা রেদ নোমি সোইল, রেদ সেন্দি সোইল অমসুং রেদ গ্রেভেল্লি সোইল ঙাক্তনি।

লৈঙাক্কী থবক শীনবগী মওং:

হীরম অসিগী মতাংদা খুদোং চানবগীদমক ব্লোক মঙা থোক্না খায়দোকই। মখোয়শিং অদুদি: নুঙবা, খৌপুম, টামৈ, টৌসেম অমসুং তমেংলোংনি।

হীরম অসিগী ওইনা অতৈ খঙবা য়াবাশিং মখাদা পীরি।:

মীশিং:

মীকোক মশিং (লৌফম: প্রাইমারি সরভে)

কুপ্না য়েংবাঃ

ডিষ্ট্রিক্ট অসিগী অপুনবা মীশিং ১,৫৬,৭৮৪ ওইবদা নুপাগী মশিংনা ৭৭,৯৭২, নুপীগী মশিংনা ৭৮,৮১২ নি। চাংচত্তনা নুপীগী রেসিওনা ৫০.২৭% নি। নুপীগী মশিংনা নুপাদগী খরা হেল্লগসু ৫০-৫০ নি হায়বা য়াই।

খুন্দারিবা মীওই কাংলুপ:

জিলা অসিদা রোংমৈ, জেমৈ, লিয়াংমৈ, ইনপুই, মার, কুকি, চিরু, খাসি, মিরকি, পাইটে অমসুং গাংটেগী তোঙান তোঙানবা মীওই কাংলুপশিংনা খুন্দাই। মখোয় পুম্নমক সেদুল ত্রাইব ঙাক্তনি।

লমগী পাক চাওবা অমসুং মী তাবগী চাং:

জিলা অসিগী লমগী পাক চাউবসি স্ক্বার কিলোমিটর ৪৩৯৫ নি অদুগা মী তাবগী চাংনা স্ক্বার কিলোমিটরদা মীওই ৩৬ খুন্দাবনি।

লাইরিক হৈবগী চাং:

লম্বীগী মওং: