দি আর দি এ
ডিষ্ট্রিক্ট রুরেল দিভেলপমেন্ট এজেন্সি (দি. আর. দি. এ), তমেংলোং
অকুপ্পা ৱারোল:
ডিষ্ট্রিক্ট রুরেল দিভেলপমেন্ট এজেন্সি (দি.আর.দি.এ) তমেংলোং অসি চাওখৎ থৌরাংগী স্কিমশিং থবক ওইনা পাঙথোক্নবা এজেন্সি অমনি। এসিস্তেন্ট প্রোজেক্ট ওফিসার অমবু মিনিষ্টরিয়েল স্তাফশিংগা লোয়ননা ডিপুটি কম্মিস্নরবুনা এজেন্সি অসিগী চেয়রমেন ওইনা হাপ্পনি।
দি আর দি এ তমেংলোং অসি শ্রী এ ই অহমদ, আই এ এস না শক ১৯৮১গী মে ১৭ তা তমেংলোংগী ডিপুটি কম্মিস্নর অমদি দি আর দি এ তমেংলোংগী চেয়রমেন ওইনা থবক পুবগী চহি অসিমক্তদা শ্রী পি রামগোং, এল দি সি (হৌজিক্না একাউন্ট ওফিসর ওইরিবা), কোন্না থবক থাদোকখিবী শ্রীমতি শাংবোনলিউ অমসুং মহাক্কী থবক তৌরিঙৈ মতমগী মনুংদা লৈখিদবা গ্রেদ (IV) শ্রী পি অরৌ বু থবক হাপতুনা ডিষ্ট্রিক্ট অসিদা ভারতকী অতৈ মফমদা তৌবগুম্না হাংদোকখিবনি।
হৌজিক্কী ওইনা ওতোনোমস ডিষ্ট্রিক্ট কাউন্সিলগী চেয়রমেন না চীংগী লমশিংদা দি আর দি এ গী চেয়রমেন ওইরে অদুগা ডিপুটি কম্মিস্নরনা সেন্ত্রেল গাইদলাইন্স ভাইদ ওর্দর নম্বর ১/১৪/২০১০- সি ঐচ এ (ঐচ ক্যু)তাং ওক্তোবর ৫,২০১০ গী মখাদা দি আর দি এ গী একজিকুটিভ দাইরেক্তর ওইগদবনি অমসুং তমেংলোংগী ওইনদি ডিপুটি কম্মিস্নরবু শক ২০১২ গী সেপ্তেম্বরদগী একজিকুটিভ দাইরেক্তর ওইনা অমুক হন্না হাপ্লে লোয়ননা এসিস্তেন্ট ডিপুটি কম্মিস্নর/এ দি এম বু দি আর দি এ গী প্রোজেক্ট দাইরেক্তর ওইনা প্রোজেক্ট ওফিসার ৩ (অহুম), এসিস্তেন্ট প্রোজেক্ট ওফিসার ৩ (অহুম),দি আর দি এ না পায়খৎপা থবকশিংবু য়েংশিন্নবা একজিকুটিভ ইঞ্জিনিয়ার ১ (অমা), এসিস্তেন্ট ইঞ্জিনিয়ার ২ (অনি), টি এ/ এস ও ৬ (তরুক),মিনিষ্টরিয়েল স্তাফ ২৪, সুপরিন্তেন্দেন্ট অমাগা কোন্ননা থবক হাপ্পে। হৌজিক্কী ওইনা তমেংলোংগী দি আর দি এ গী স্তাফ অসি অতৈ ডিষ্ট্রিক্টশিংগা লোয়ননা মণিপুর সরকারগী রুরেল দিভেলপমেন্ট এন্দ পঞ্চায়তি রাজ দিপার্টমেন্টদা ভাইদ ওর্দর নম্বর ২/৯২/২০০৭ আর দি (এম সি) পি টি, দেতেদ ২৪ দিসেম্বর,২০০৬ দি আর দি এ গী স্তাফিং পোলিসিগী এদমিনিষ্টরিয়েল গাইদলাইন্সকী পেরা ৪.২ গী মতুং ইন্না ভারত সরকারগী মিনিষ্ট্রি ওফ রুরেল দিভেলপমেন্ট এন্দ পঞ্চায়তি রাজ গী ভাইদ দি ও নং: আর ২০০১৫/৬৪/০১/ আই আর দি – আই দেতেদ ৭ ফেব্রুৱারি, ২০০২গী মখাদা লাইন দিপার্টমেন্টদা পুনশিল্লে।
এজেন্সি অসিনা হেক লিংখৎলকপদগী অমসুং মতম মতমগী শেমদোরকপগী মতুংইন্না মখাগী চাওখৎ থৌরাংগী থবকশিং অসি পায়খৎলে। দি আর দি এ গী স্তাফতা ডিপিুটি কম্মিস্নরনা একজিকুটিভ দাইরেক্তরনি অদুগা এসিস্তেন্ত ডিপুটি কম্মিস্নরনা প্রোজেক্ট দাইরেক্তরনি।
মখাগীশিং অসি মচা খায়না শীন্দোক্লবা শাসনগী মওংনিঃ
- সেল্ফ এমপ্লোয়মেন্ট ৱিং (এন আর এল এম): প্রোজেক্ট অসি থবক ওইনা পাঙথোক্নবগীদমক্তা মখাগী ওফিসরশিং অসিনা থৌ পুগনি। প্রোজেক্ত ওফিসর অমা , এসিস্তেন্ট প্রোজেক্ট ওফিসর অমা , তেক্নিকেল এসিস্তেন্ট/এস ও ১(অমা) , ওফিস এসিস্তেন্ট অমা ।
- ৱেজ এনরোলমেন্ট ৱিং: প্রোজেক্ত ওফিসর অমা , এসিস্তেন্ট প্রোজেক্ট ওফিসর অমা , তেক্নিকেল এসিস্তেন্ট/এস ও ১(অমা) , ওফিস এসিস্তেন্ট ১।
- ৱাটরশেদ ৱিং: প্রোজেক্ত ওফিসার অমা, এসিস্তেন্ট প্রোজেক্ত ওফিসর অমা, একাউন্তেন্ট অমা, একাউন্ত এসিস্তেন্ত অমা, ৱাটরশেদ দিভেলপমেন্ট টিমগী মেম্বর ২৫ দগী ৩০ ফাওবগী ওইগদবা, তেক্নিকেল এস্কপার্ট ২ , দাটা এন্ত্রি ওপরেটর (দি.ই.ও) ১।
- ইঞ্জিনিয়রিং ৱিং: একজিকুটিভ ইঞ্জিনিয়র ১ , এসিস্তেন্ত ইঞ্জিনিয়র ২ , তেক্নিকেল এসিস্তেন্ত/এস ও ৬।
- ফাইনান্স ৱিং(একাউন্ত সেকসন): একাউন্ত ওফিসর ২ , একাউন্তেন্ত ৩।
- মোনিটরিং ৱিং: প্রোজেক্ত ইকনমিস্ত ১ , স্তেটিস্তিকেল ইনভেস্তিগেতর ১ , ওফিস এসিস্তেন্ত ১।
- জেনরেল এদমিনিষ্ট্রেসন: সুপরিন্তেন্দেন্ত/ওফিস মেনেজর ১ , এসিস্তেন্ত ২ , স্তেনোগ্রাফর ১ , গ্রেদ (IV) ৩, দ্রাইভর ৩।
(ক) সেল্ফ এমপ্লোয়মেন্ট প্রোগ্রাম (এন আর এল এম):
ইন্তিগ্রেতেদ রুরেল দিভেলপমেন্ট প্রোগ্রাম (আই আর দি পি) (খুঙ্গং চাওখৎহন্নবা অপুনবা থৌরম), ত্রেনিং ওফ রুরেল য়ুথ সেল্ফ এমপ্লোয়মেন্ট টি আর ৱাই এস ই এম, (খুঙ্গংগী নহারোলশিংবু মশানা মশাবু থবক পীজনবা ত্রেনিং পীবা), দিভেলপমেন্ট ওফ ৱিমিন এন্দ চিলদ্রেন ওফ রুরেল এরিয়াজ (দব্লিয়ু সি আর এ) খুঙ্গংগী লমদা নুপী অঙাংশিংবু চাওখৎহনবা), সপ্লাই ওফ ইমপ্রুভদ তুল কিতস তু রুরেল আরতিসান্স (এস আই টি আর এ) (খুঙ্গংগী খুৎ-শা হৈবা মীশিংদা হেন্না ফরবা খুৎসু-খুৎলাই পীবা), গঙ্গা কল্যান য়োজনা (জি কে আই) অমদি মিলিয়ন ৱেল স্কিমস (এস দব্লিয়ু এস) অসিনচিংবা স্কিমশিং অসিগী লমদা ত্রেনিং পীবা, থাজহনবা, তেক্নোলোজি খঙহনবা, মরুওইবা মচাকশিং পীবা অমদি করবারগী লমদা খঙহনবা করিগুম্বদা হায়রিবশিং অসি তৌদ্রগদি মখা তানা থবক পাঙথোকপা য়ারোইদবনা মখোয়শিং অসি থবক ওইনা শিন্দুনা পাঙথোকপনি।
অদুমওইনমক ভারত সরকারগী রুরেল দিভেলপমেন্ট মিনিষ্ট্রিনা মসিগী থবক্কী খোঙচৎ অমসুং অশোয়ববু অমুক হন্না য়েংশিন্দুনা এস জি এস ৱাইবু নেস্নেল রুরেল লিভলিহুদ মিসন হায়না মশক লেপ্লে। মসিগী পান্দমদি লায়রবা পনখৈগী মখাদা লৈবা খুঙ্গংগী মীশিংবু মশানা মশাবু থবক পীজদুনা শেন্থোক হেনগৎহন্দুনা লায়রববু মুত্থৎপগী মহুত্তা মসিবু হন্থহনবদা অহেনবা মীৎয়েং থমদুনা শক ২০১৫ ফাওবগী মনুংদা মশানা মশাবু থবক পীজবা হায়বা মিসন মোদ অসিগী মখাদা খোঙজেল য়াংনা খুঙ্গংগী লায়রবশিংবু য়াম্না চাউনা মায় পাকপগী পন্থুংনা কোনশিনবা ঙম্নবা হোৎনবনি।
(খ) ৱেজ এমপ্লোয়মেন্ট প্রোগ্রাম (এম জি এন আর ই জি এস):
ভারত সরকারগী রুরেল দিভেলপমেন্ট মিনিষ্ট্রিনা শক ১৯৯০ দগী খুঙ্গংগী মীশিংদা থবক শুবগী অহেনবা খুৎশুমল পীবা জৱাহর গ্রাম সমৃধী য়োজনা (জে জি ৱাই)বু অনৌবা সম্পুরনা গ্রামিন রোজগর য়োজনা (এস জি আর ৱাই) হায়বা স্কিম অমদা শক ২০০১ দা পুনশিল্লে হায়রিবসি অহেনবা খুৎশুমল অমসুং থবক্কী প্রোগ্রামশিংগীদমক্তা লৈবাক্কী ওইনা চানবা চিঞ্জাক ফংহন্নবনি মরম অসিদগী শুংশোয় শোয়দনা চিঞ্জাক ফংহনবা অমসুং অফবা মখলগী চিঞ্জাক্কী থাক হেনগৎহনবা অমসুং মখোয়গী মতম মতমগী ওইবা মীওই কাংলুপ, মরুওইবা চাওখৎপগী চংদবা য়াদ্রবা মচাকশিং ফংহন্নবগী পানদম থম্লি।
মসিগী মথক্তা ভারত সরকারগী রুরেল দিভেলপমেন্ট মিনিষ্ট্রিনা মহাত্মা গান্ধি নেস্নেল রুরেল এমপ্লোয়মেন্ট গরন্তি এক্ট, ২০০৫ হায়বা শেমদোক্লবা এক্ট অমনা খুঙ্গংগী ইমুং অমদা শেনবা চহীগী ওইনা নুমিৎ ১০০ নি থবক পীবা মদুদা হৈথোই-শিংথোইবা থবক্কী নত্তনা নহাশিংনা মশানা য়ানা খুৎনা শুবা থবকশিং শুবা য়াহল্লি। অহৌবদদি এক্ট অসি তমেংলোং ডিষ্ট্রিক্ট য়াওনা খুঙ্গং ২০০ দা চৎনবা হৌখি অদুবু ভারত সরকারনা থবক্কী খুৎশুমল পীনবা শকখঙলবা অতোপ্পা মফমশিংদা মখা তানা শন্দোকখি। এক্ট অসি ‘‘(পিপল এক্ট)’’ (মীয়ামগী এক্ট) ওল্লে। হান্নগী এস জি আর ৱাই অমসুং নেস্নেল ফুদ ফোর ৱার্ক প্রোগ্রাম (এস এফ দব্লিয়ু পি)স্কিমশিং অসি এম জি এন আর জি এস এক্ট ২০০৫ দা য়াওশিনখ্রে।
(গ) ইনফ্রাস্ত্রকচরেল দিভেলপমেন্ট প্রোগ্রাম:
প্রোগ্রাম অসিদা খুঙ্গংগী লম্বী থোং ফাওনহনবা, স্কুল বিল্ডিং, মীয়ামগী হোল, ভিলেজ ওথোরিটিগী ওফিস বিল্ডিং অমসুং অতৈ মরী লৈনবা থবকশিং য়াওরি।
- আর এস ভি ৱাই/বি আর জি এফ: ভারত সরকারগী পঞ্চায়তি রাজ মিনিষ্ট্রিনা তমেংলোং ডিষ্ট্রিক্ট য়াওনা খনগৎলবা খ্বাইদগী চাওখৎত্রিবা ডিষ্ট্রিক্ট ১৪৭ তা শক ২০০৫-২০০৬ তা রাষ্ট্রিয়া সমা বিকাস য়োজনা (আর এস ভি ৱাই) কৌবা অনৌবা প্রোগ্রাম অমা হৌদোকখ্রে। প্রোজেক্ত অসিনা হান্ননা লৈরবা থবকশিংনদি মতিক চানা মেনখৎপা ঙমদ্রবা লৈকায়গী ওইবা চাওখৎ থৌরাংগী চঙদবা য়াদ্রবা দরকার লৈবা মচাকশিং মেনখৎনবা হোৎনবা অমসুং লৈকায়গী দরকার লৈবশিংদা শরুক য়াহন্নবা থৌরাং লৌখৎপা, ৱারেপ লৌবা, থবক ওইনা ওন্থোকপা অমসুং য়েংশিনবগী থবকশিং হোৎনদুনা লাক্লি।হীরম অসিদা পনবা য়াই মদুদি আর এফ ভি ৱাই গী প্রোগ্রাম অসি মতম অমগী তমেংলোং ডিষ্ট্রিক্টকী দি আর দি এগী চেয়রমেনসু ওইরম্বা ডিপুটি কম্মিস্নর শ্রী থাইথুইলুং পামে, আই এ এস কী মতমদা ডিষ্ট্রিক্ট হোসপিটাল তমেংলোংগী হৌজিক শিজিন্নরিবা ওপরেসন থিয়েটর, হায়র সেকেন্দরি স্কুল ৩ গী বিল্ডিশিং, হায়স্কুল বিল্ডিং ১০, সাংরুং (খোংশাং) খুন্দগী কিলোমিটর ৯৬ লাপ্পা দিকিউরাম ফাওবগী লৌউ-শিংউবদা চৎনবা লম্বী অমসুং কিলোমিটর ৪৬ লাপ্পা হাওচোংদগী লংকা ফাওবগী লম্বী অমসুং অতৈ হোরটিকলচরগী চাওখৎ থৌরাংগী থবকশিং পায়খৎলম্মী। হান্নগী মতৌগুম্না রাষ্ট্রিয়া সমা বিকাস য়োজনা (আর এস ভি ৱাই) অসিসু বেকৱার্দ রিজনেল গ্রান্ত ফন্দদা চপ মান্নবা পান্দমদা খ্বাইদগী চাওখৎতবা খুঙ্গং ১৪৭ তা শক ২০০৬-২০০৭ দগী থবক পায়খৎপা হৌখ্রে।
- এম এস দি পি: মলতি সেক্তরেল দিভেলপমেন্ট প্রোগ্রাম (এম এস দি. পি) অসি মাইনোরিতি কন্সেন্ত্রেসন ডিষ্ট্রিক্ট ৯০ দা মাইনোরিতি এফ্যারস মিনিষ্ট্রিনা (এম সি দি এস) হৌদোকখ্রে। এম এস দি পি না সমাজ গী শেল থুমগী তঙাই ফদনা চঙদবা য়াদ্রবা মচাকশিং ফগৎহন্দুনা মীয়ামগী পুন্সিগী মতিক মগুন হেনগৎহনবা অমসুং ১১ শুবা শেনবা চহিগী মতমদা এম সি দি এস কী খেন্নবশিং হন্থহন্নবগী পান্দম থম্লি।মাইনোরিতি কন্সেন্ত্রেসন ডিষ্ট্রিক্ট (এম সি ডি এস) ৯০ লৈবাক শিন্থুংনা মশক খঙদোক্লে। মখোয়শিং অসি শোত্থরবা অমসুং সমাজগী শেল-থুম, তঙাই ফদনা চঙদবা য়াদ্রবা স্কুল অমসুং সেকেন্দরিগী মহৈ মশিং, লু-নানবা, মৈ ফংহনবা অমদি বেনিফিশরিশিংদা হেন্না শেন্থোক লৈহন্নবা স্কিমশিংগী মতাংদা জাতিগী ওইবা চাংচত্তগী হন্থনা লৈখ্রে। প্রোগ্রাম অসিনা শক ২০০৯-২০১০ দা প্রাইমারি/জুনিয়র হায়স্কুল শানবা অমসুং থক্নবা ঈশিং প্রোগ্রাম পায়খৎনবা থবক পাঙথোকখ্রে।
(ঘ) ইন্তিগ্রেতেদ ৱাটরশেদ মেনেজমেন্ট প্রোগ্রাম (কম্মুনিতি) দিভেলমমেন্ট প্রোজেক্ট):
শক ২০০৪-২০০৫ গী মতমদা ইন্তিগ্রেতেদ ৱাটরশেদ দিভেলপমেন্ট প্রোগ্রাম/হরিয়ালি অসি শক ২০০৮ ফাওবা কম্মুনিটি দিভেলপমেন্ট প্রোগ্রাম(মীয়াম চাওখৎনবা প্রোগ্রাম) হায়না থবক পায়খৎলম্মী অদুবু মসিগী মমিং অসি ইন্তিগ্রেতেদ ৱাটরশেদ মেনেজমেন্ট প্রোগ্রাম (আই দব্লিয়ু এম পি) হায়না ওন্থোক্লে। প্রোগ্রাম অসি শক ২০১০-২০১১ দগী ঙসি ফাওবা ষ্টেট প্লানিং দিপার্টমেন্ট অমসুং ডিষ্ট্রিক্ট ৱাটরশেদ দিভেলপমেন্ট ইউনিৎ (দি দব্লিয়ু দি ইউ)গী মখাদা ষ্টেট লেভেল নোদেল এজিন্সি (এল এন এ) না মহৌশাগী লৈজবা পোত্থোকশিং শিল লাংবা অমসুং হিংবগী মওংবু চাওখৎহনবা, থবক পীবা, লায়রবা কোকহনবা, মীয়ামদা শক্তি শিন্নবা অমসুং মীওইবা অমদি অতৈ খুঙ্গংগী লন-থুমগী ফীভম চাওখৎহন্নবা হোৎনদুনা লাক্লি। প্রোগ্রাম অসিগী মখাদা থৌদাং লৌরিবা টিমনা মায় পাক্না পাঙথোক্লবা থবকশিং মখাদা পীরি।
- ৱাটরশেদ দিভেলপমেন্ট টিম (খুঙ্গংগী থাক্তা ৱাটরশেদ কম্মিটিবু লমজিংবা)।
- ৱাটরশেদ কম্মিটি (মশানা মশাবু তেংবাংজবা অমসুং শিজিন্নজবা কাংবুবু লমজিংবা) ।
- সেল্ফ হেল্ফ গ্রুপ (মরুওইনা নুপীশিংদা মশানা মশাবু শেল তাঞ্জনবা অমসুং অপিকপা লাল্লোন ইতিক্কী থবক তৌনবা শক্তি পীবা)।
- ইউজর গ্রুপ: (খুঙ্গংগী থাক্তা নোংমগী খুৎশুমলদা নুমিৎ খুদিংগী থবক তৌবা অমসুং শেল তানবা বেনিফিশরিনি।
(ঙ) রুরেল হাউশিং প্রোগ্রাম: (খুঙ্গংদা য়ুম শাবগী প্রোগ্রাম)
ভারত সরকারনা শক ২০২০ ফাওবগী মনুংদা লায়রবা পনখৈগী মখাদা লৈবা ভারতকী মীওইশিংদা লু-নানবগী মচাক শুনা য়াওরবা লৈনবা য়ুমশিং প্রধান মন্ত্রী অৱাজ য়োজনা (গ্রামিন)গী মখাদা শানবা পান্দম থম্লি।
পি এম এ ৱাই জি গী মরুওইবা মওং মতৌ
পান্দম:
পি এম এ ৱাই জি না য়ুম লৈতবা অমসুং ফৎত্রবা তুরোই ঙামোই তৌরবা য়ুমশিংগীদমক্তা খুঙ্গংগী লমশিংদা শক ২০২২ ফাওবগী মনুংদা মপুং ওইবা খুদোংচাবশিং য়াওরবা অফবা মখলগী য়ুমশিং শাগনি। হাউশিং ফোর ওল (পুম্নমক্কী য়ুম শাবা)গী পান্দম ফংনবগীদমক্তা ২০২১-২২ ফাওবদা শাগদবা য়ুমগী মশিং করোর ২.৯৫ নি। খুদক্কী ওইবা পান্দমদি শক ২০১৬-১৭ তগী ২০১৮-১৯ চহি অহুম ফাওবগী মনুংদা য়ুম লৈতবা নৎত্রগা ফৎত্রবা তুরোই ঙামোই তৌরবা য়ুমদা লৈবা খুঙ্গংগী ইমুং করোর ১:০০ কোনশিনবনি অমসুং বেনিফিশরিশিংনা লৈকাইদা ফংবা মচাকশিং, য়ুমগী শওং-শদা অমদি অহৈবা য়ুম শাবশিং শিজিন্নদুনা মতিক মগুন লৈবা য়ুম শাবা ঙমহনগদবনি। য়ুমশিং অসি লৈনবা য়ুমশিং ওইহন্নবা মায়কৈরোমদা মায় ওনশিন্নবগী হৈনবি থম্নবা ৱাফম থম্লি।
পি এম এ ৱাই –জি গী মরওইবা মওং মতৌ:
- শক ২০১৬-১৭ দগী শক ২০১৮-১৯ ফাওবদা খুঙ্গংগী লমশিংদা য়ুম করোর ১.০০ শানবা মতেং পীবা।
- য়ুমগী পাক চাউবা অসি (আই এ ৱাই) গী মখাদা হাকচাং ফনা থোং তাকপা য়ানবা মফম য়াওরগা পিক্লবদা স্ক্বার মিটর ২০ দগী ২৫ ফাওবা ওইগদবনি।
- য়ুম শাবগী মতেং অসি তম্পাক্কী লমদনা লুপা ৭০.০০০/-দগী লাক্ষ ১.২০ নি অদুগা চীংগী রাজ্যশিংদনা লুপা ৭৫.০০০/- দগী লাক্ষ ১.৩০ ফাওবনি।
- য়ুম শাবগী তেংবাং অসি কেন্দ্রা অমসুং রাজ্য সরকারনা তম্পাক্কী ওইনা চাদা ৬৪:০০গী চাংদা অদুগা অৱাং নোংপোক অমসুং হিমালয়গী রাজ্যশিং (জম্মু অমসুং কাশমির, হিমাচল প্রদেশ অমসুং উত্তরাখন্দ) গী ওইনা লুপা চাদা ৯০:১০ গী চাংদা পুথোক্নগনি।
- স্বাছ ভারত মিসন গ্রামিনগী মীৎয়েংগা লোয়ননা খোঙ-হাম্ফম শাবগী লুপা ১২,০০০/- গী মতেং অসি এম জি এন আর ই জি এস নৎত্রগা অতোপ্পা লম্বীদগী ফন্দগী ৱাফম লৈগনি।
- য়ুম শাবগী পীরিবা মতেংগী মথক্তা এম জি এন আর ই জি এস কী মখাদা নুমিৎ ৯০/৯৫ নি হৈরবা থবক্কী নত্তবা থবক্কী খুৎশুমল পীবগী ৱাফম।
- এস ই সি সি ২০১১ গী দাটাগী মতুং ইন্না য়ুম লৈতবা অমসুং সমাজগী কান্নবশিং ফংদ্রবা মীওইশিং খন্দোকপা অমদি শক তাকপা।
- প্রোগ্রাম অসিগী মখাদা পান্দম ফংনবা জাতি গী থাক্তা নেস্লেল তেক্নিকেল সপোর্ট এজেন্সি (এন টি এস এ) লিংখৎপা অমদি শেলগী মতেং পীরিবা অসিগী মথক্তা য়ুম শাবা মতমদা টেক্নিকেলগী মতেংসু পীগদবনি।
- বেনিফিশরি অদুনা পাম্লবদি ফাইনান্সিয়েল ইন্সটিট্যুট অমদগী লুপা ৭০, ০০০/- গী শেনফম পুবা য়াই।
- এম্পাৱর্দ কম্মিটিগী অয়াবা লৈরবা মতমদা রুরেল দিভেলপমেন্ট মিনিষ্ট্রিনা স্পিসিয়েল প্রোজেক্তশিংগী অয়াবা পীগনি।
- সরকারগী অতৈ অতোপ্পা স্কিমশিং হায়বদি খোঙ হাম্ফম, থক্নবা ঈশিং, মৈ, অরূবা অমসুং মতিক চাবা থোং থাক্নবা মৈ, সমাজগী অমসুং ফত্তা-হাওদি মহী মনায়শিং লোয়শিন খোমজিনবা অসিনচিংবা মরুওইনা চংদবা য়াদ্রবা খুদোংচাবশিং ফংহনবা দা মীয়েং থম্লি।
- বেনিফিশরিদা পীগদবা পুম্নমক মখোয়গী বেঙ্ক/পোস্ত ওফিস কী আধারগা শম্নরবা একাউন্তশিংদা ফংহনগনি।
- পি এম এ ৱাই জি গী মতাংদা মখোয়বু ৱাখল তাহনবা ।
- বেনিফিশরিশিংনা লৈকাইদা ফংবা মচাকশিং, চপচাবা শত্তং-শদা অমসুং অহৈবা শিন্মী শিজীন্নদুনা অফবা মখলগী য়ুম শাবগী মীৎয়েং থমগদবনি।
- গ্রাম পঞ্চায়ৎ, ব্লোক নৎত্রগা ডিষ্ট্রিক্ট ইউনিৎ শীজিন্নরগা ঙম্বামখৈ থবক চঙশিনবগী হৈনবী থমগদবনি।