সোসিয়েল ৱেলফ্যার

দিপার্টমেন্টগী মমিং: দিষ্ট্রিক্ট সোসিয়েল ৱেলফ্যার ওফিস
লৈফমঃ এপোল্লো বজার, তমেংলোং
লিংখৎখিবা চহিঃ জুন, ১৭, ১৯৭২

ষ্টেট প্লান অমসুং সেন্ত্রেল প্লান স্কিমশিংগী মখাদা মখাগী স্কিম/প্রোগ্রামশিং অসি টমেংলোং দিষ্ট্রিক্টতা পায়খৎলে।

1. 1. মণিপুর ওল্ড এজ পেন্সন স্কিমঃ (এম.ও.এ.পি.এস)
      • • জিলা অসিদা স্কিম অসিগী বেনিফিসরি মীওই ৯৩৮ লৈরে।
        • বেনিফিসরি অমনা থাগী লুপা ২০০/- ফংগনি।
        • স্কিম অসিগীদমক্তা নুপীগী ওইনা মশাগী চহি ৫৫ অদুগা নুপাগী ওইনা মশাগী চহি ৬০ নৎত্রগা মথক্কী মীওইশিংনা য়াওবা য়াই।
        • দরখাস্ত থাগদবা মীশক অদু লায়রবগী পনখৈগী মখা (বি.পি.এল) দা লৈবা মীওই ওইগদবনি।
        • মহাক মশা মণিপুরদা য়ুম্লিংবগী শক্তাক চে পায়বগা লোয়ননা আধারগী চেসু পায়বা মীশক ওইগদবনি।

      শক ২০১৪ গী নভেম্বর ১৪ দা লৌবা কেবিনেটকী ৱারেপ অমসুং শক ২০১৪ গী দিসেম্বর ১৮ গী ওর্দর নং:৮/৯/২০১১ এস (এস. ডব্লিয়ু) গী মতুং ইন্না মার্চ ২০১৫ দগী ফেব্রুৱারি ২০১৬ ফাওবগী পেন্সনরশিংগী ফংফম থোকপা শেনফম লুপা ২,৪০০/- শক ২০১৬ কী ওক্টোবর থাদা য়েন্থোকখি অদুগা শক ২০১৬ কী মার্চ থাদগী শক ২০১৭ কী ফেব্রুৱারি থা ফাওবগী ফংগদবা লুপা ২,৪০০/- গী শেনফম্না শক ২০১৭ কী এপ্রিল থাদগী য়েনবা হৌখি।

      পেন্সনরশিং অচুম চুমদা য়েংবগী থবক্না শক ২০১৭ কী সেপ্তেম্বর থাদা ডিপুটি কম্মিস্নর, তমেংলোংগী মীৎয়েং মখাদা পাঙথোকখি। মদুদা লৈখিদ্রবা,হিংলিবা মীওই ১২ খঙবা ঙমখি অমসুং হৌজিক্কী ওইনা স্কিম অসিগী মখাদা পেন্সনর ৯২৬ লৈরি।

   2. নেসনেল সোসিয়েল এসিষ্টেন্স প্রোগ্রামঃ
      ভারত সরকারগী মিনিষ্ট্রি ওফ রুরেল ডিভেলপমেন্টগী এ.সি.এগী মখাদা থবক পাঙথোকপা প্রোগ্রাম অসিগী ওইনা তমেংলোং জিলাগী ডিপুটি কম্মিস্নরগী চেয়রমেনশিংপকী মখাদা এন.এস.এ.পি.গী চৎনা পথাপ মতুং ইন্না জিলা গী থাক্তা কম্মিটি অমা শেম্লে। মসিগী চৎনা পথাপশিং www.nsap.nic.in দগী দাউনলোদ তৌবা য়াগনি।

      জিলা থাক্কী কম্মিটি অসিগী অকুপ্পা ৱারোলশিং:

      সে:নং:	শিনফম	হাপকদবা ওফিসারশিং
      ১।	চেয়র পারসন/ চেয়রমেন	ডিপুটি কম্মিস্নর, তমেংলোং
      ২।	মেম্বর	হাপকদবা
      ৩।	মেম্বর	হাপকদবা
      ৪।	মেম্বর	হাপকদবা
      ৫।	মেম্বর সেক্রেটরি	ডিষ্ট্রিক্ট সোসিয়েল ৱেলফ্যার ওফিসার, তমেংলোং

      A.  ইন্দিরা গান্ধি নেসনেল ওল্ড এজ পেন্সন স্কিম (আই.জি.এন.ও.এ.পি.এস)

      • • জিলা অসিদা বেনিফিসরি ২৩৮৫ লৈরে।
        • মশাগী চহি ৬০-৭৯ ফাওবগী মনুংদা লৈবা স্কিম অসিগী বেনিফিসরি অমনা থাগী লুপা ২০০/-গী শেনফম ফংগনি অদুগা মশাগী চহি ৮০ গী মথক্কী মীওই ওইরগনা লুপা ৫০০/- গী শেনফম ফংগনি।
        • দরখাস্ত থানিংবা নুপা নুপীশিং মশাগী চহি ৬০ নৎত্রগা মথক্কী মীওই ওইগদবনি।
        • মহাক লায়রবা পনখৈগী মখাদা লৈবা মীওই ওইগদবনি।
        • ভারতকী ইমুং অমগী মীশক ওইবা, আধার কার্দ পায়বা অমসুং লায়রবা পনখৈগী মখাদা লৈবা ওইগদবনি।

      তমেংলোং জিলাগী লায়রবগী পনখৈ মখাদা লৈবা মশাগী চহি ৬০দগী ৭৯ ফাওবগী মনুংদা লৈবা পেন্সনর ১৯৯৬ তা মীকোক অমদা থাগী লুপা ২০০/- গী শেনফম ফংহনবা ঙমখ্রে। অদুগা মশাগী চহি ৮০ শুরবা মীওইশিংগীনা থাগী লুপা ৫০০/- ফংহন্নবা চে চাং থাবগী থবক পায়খৎলে। (আই. জি. এন. ও. এ. পি. এস) স্কিম অসিগী মখাদা অপুনবা বেনিফিসরি ২৩৮৫ লৈরে।

      শক ২০১৪ গী নবেম্বর ১৪ দা লৌবা কেবিনেটকী ৱারেপ অমসুং শক ২০১৪ গী ডিসেম্বর থাগী গভর্নমেন্টকী ওর্দর নং: ৮/৯/২০১১ এস (এস দব্লিয়ু) গী মতুং ইন্না মশাগী চহি ৬০ দগী ৭৯ ফাওবগী মনুংদা লৈবা প্সেনরশিংদা এপ্রিল ২০১৫ দগী আগষ্ট ২০১৫ থা মঙাগী ওইনসু লুপা ১,০০০/- গী শেনফম য়েন্থোকখ্রে। মশাগী চহি ৮০ গী মথক্তা লৈরবশিংগী শক ২০১৫ গী এপ্রিলদগী আগষ্ট (থা ৫) গী লুপা ২৫০০/-গী শেনফমসু পেন্সনরশিংদা য়েন্থোকখ্রে।

      তমেংলোং জিলাগী ডিপুটি কম্মিস্নরগী মীৎয়েং মখাদা সেপ্তেম্বর ২০১৭ তা পেন্সনরশিং অচুম চুমদা য়েংশিংনবগী থবক পায়খৎখ্রে মদুদা লৈখিদ্রবা মীওই ৪১৭ খঙদোকপগা লোয়ননা স্কিম অসিগী মখাদা অপুনবা পেন্সনর ১৯৬৮ লৈরি। মশাগী চহি ৬০ দগী ৭৯ ফাওবগী মনুংদা লৈবশিংগী লুপা ১,২০০/- গী পেন্সনরগী শেনফম অদুগা মশাগী চহি ৮০ গী মথক্তা লৈবা পেন্সনরশিংনা শক ২০১৬ কী এপ্রিলদগী সেপ্তেম্বর ফাওবগী ফংগদবা লুপা ৩,০০০/- গী পেন্সনরগী শেনফমশিং ডি.বি.টি. গী খুৎথাংদা পেন্সনরগী একাউন্দশিংদা হাপচনখ্রে।

      B. ইন্দিরা গান্ধি নেসনেল ৱিদো পেন্সন স্কিম (আই.জি.এন. দব্লিয়ু. পি. এস)

      • জিলা অসিদা বেনিফিসরি ১৫৮ লৈরে।
      • লায়রবগী পানখৈ মখাদা লৈবা লুখ্রাবী ওইগদবনি।
      • মশাগী চহি অকক্ননা ৪০ দগী ৭৯ ফাওবগী মনুংদা লৈবা ওইগদবনি।
      • পীগদবা শেনফম্না থাদা লুপা ৩০০/-।
      • আধার কার্দ তঙাই ফদনা পায়গদবনি।

      পেন্সনগী শেনফম ডি.বি.টি.গী খুৎথাংদা য়ৌহনগনি। অচুম চুমদা য়েংশিল্লবা তুংদা শেংদবা/লৈখিদ্রবা মীওই ৭ খঙদোকপগা লোয়ননা হৌজিক্কী ওইনা বেনিফিসরি ১৫১ ফংলে।

      C. ইন্দিরা গান্ধি নেসনেল দিসএবল্ড পেন্সন স্কিম (আই.জি.এন.ডি.পি.এস।

      • জিলা অসিদা বেনিফিসরি ৪৩ লৈরে।
      • মশাগী চহি ১৮ দগী ৭৯ ফাওবা ওইগদবনি।
      • লায়রবগী পনখৈ মখাদা লৈবা ভারতকী ইমুং অমগী মীওই ওইগদবনি।
      • পি.দব্লিয়ু.দি এক্ট ১৯৯৫ কী মতুং ইন্না মখল কয়াগী নৎত্রগা শাথিনা শোইনাইরবা ওইগদবনি।
      • চহি ২১ হেল্লবা মচানুপা লৈরোইদবনি।
      • থা অমদা বেনিফিসরি অমনা লুপা ৩০০/- ফংগনি।
      • পেন্সনগী শেনফম ডি.বি.টি (দাইরেক্ট বেনিফিট ত্রান্সফর) গী খুত্থাংদা য়ৌহনগনি। অচুম চুমদা থিজিল্লবা তুংদা লৈখিদ্রবা পেন্সনর অনি ফংবগা লোয়ননা হৌজিক্কী ওইনা বেনিফিসরি ৪১ লৈরে।

      D. নেসনেল ফেমিলি বেনিফিট স্কিম (এন.এফ.বি.এস)

      • ইমুং অমগী শেন্থোক লৈরম্বা মপুরোইবা অদুনা লৈখিদ্রবা মতুংদা মহাক্কী লোয়নবীদা অমুক্তংগী ওইনা লুপা ২০,০০০/- গী শেনগী মতেং পিগনি।
      • লৈখিদ্রবা মীওই অদু লায়রবগী পনখৈ মখাদা লৈবা ওইগদবনি।
      • লৈখিদ্রবা মীওই অদু ইমুং অদুগী মরুওইবা শেন্থোক লৈবা মীওই ওইগদবনি।
      • মহাক মশাগী চহি ১৯ দগী ৬৪ ফাওবগী মনুংদা লৈবা ওইগদবনি।
      • অতোপ্পা ইন্সুরেন্স কম্পনি অমদগী করিগুম্বা মখল অমত্তগী লৈত্রবা মতুংদা পীগদবা মতেং অমত্তা ফংবা য়ারোই।
   3. সরকারগী সংস্থান নত্তবশিং (এন.জি.ও.)
      জিলা অসিগী নিংথিজনা থবক তৌরিবা এন.জি.ও শিংনা মখল মখা কয়াগী য়াইফনবা থবক পাঙথোক্নবগীদমক্তা কেন্দ্রা সরকারদা প্রোজেক্ট প্রোপোজেলশিং চে ইদুনা থারি। কেন্দ্রা সরকারগী মিনিষ্ট্রি ওফ সোসিয়েল জস্টিস এন্দ ইম্পাৱরমেন্টদগী শেলগী মতেং ফংলবা এন.জি.ওশিংগী থবকশিং মতম মতমগী ওইনা য়েংশিনবা, মশক মওং লেপথোকপা অমসুং মখা তানা থবক পাঙথোক্নবা অচুম চুমদা থিদোক্তুনা মখা তানা শেল থাদরক্নবা থবক পায়খলি। ডিপার্টমেন্ট অসিগী মখাদা পায়খৎলিবা প্রোজেক্টশিংদি: (১) ওল্ড এজ হোম  (২) দ্রগ রিহেবিলিটেসন সেন্টর (৩) দিসএবল রেসিদেন্সিয়েল স্কুলনি। জিলা অসিদা রুরেল দাউনত্রোদন অপলিফমেন্ট সোসাইটি, তমেংলোং হেদ ক্বার্টরস অমসুং কম্মু্নিটি দিভেলপমেন্ট এসোসিয়েসন, তমেংলোং হেদ ক্বার্টরনচিংবা থবক নিংথিনা তৌবা এন.জি.ও.শিং লৈরি। মখোয়না অহল ওইরবা মীওইশিং, হকচাংগী ফিভম শোয়নাইরবশিংগী য়াইফ থৌরাং, চহি নৌরিবা অঙাংশিংদা নত্তবা লীচৎ চৎপা অমদি আইন্না য়াদবা লাল্লোন ইতিক্কী থবক তৌবশিংগা মরী লৈনবা হীরমশিংদা মতেং পাঙবগীদমক্তা মখোয়বু নিংথিজনা শকখঙলি।
   4. ওল্ড এজ ডে (অহল ওইরবশিংগী নুমিৎ)
      ওক্টেবর ১, ২০১৭ তা মালেমগী অহল ওইরবশিংগী নুমিৎকী থৌরম তমেংলোং জিলাগী ওইনা জিলা অদুগী ডিপুটি কম্মিস্নর শ্রী আর্ম স্ত্রোং পামেনা অথোইবা মিংথুংলেন ওইদুনা মল্টিপরপজ হোল, তমেংলোংদা পাঙথোকখি। থৌরম অদুদা শরুক য়াখিবা অহল ওইরবা মীওই ৩০০ লোমদা সোসিয়েল ৱেলফ্যার ডিপার্টমেন্টনা কম্বল অমমম খুদোল তমখি।
   5. ডিসএবিলিটিজ ৱেলফ্যার প্রেগ্রাম (মীমান্নদ্রবশিংগী য়াইফ থৌরাং)
      সোসিয়েল ৱেলফ্যার ডিপার্টমেন্টনা নোদেল এজেন্সি ওইদুনা পারসন ৱিথ ডিসএবিলিটি (পি.দব্লিয়ু দি) এক্ট ১৯৯৫ বু থবক ওইনা পাঙথোক্নবা চে ইদুনা অমসুং থৌনাগা লোয়ননা হেক ঙম্বমখৈ হোৎনবা য়াবা পুম্নমক হোৎনরি। এক্ট অসিগী পন্দুপ অমসুং শরুকশিং হৌজিক্তি তশেংনা থবক্তা ওন্থোক্লে। নোদেল এজেন্সি অসিনা পায়খৎলবা থবক খরদি মখাগী অসুম্না পীরি।
      A.  চিফ মিনিষ্টরগী শোত্থরবশিংগী তেংবাং (সি.এম.এস.টি) স্কিম ফোর ডিসএবল:

      ডিষ্ট্রিক্ট থাক্কী কম্মিটি (সি.এম.এস.টি)

      সে:নং:	ওফিসার/ওফিসিয়েল	শিনফম
      ১।	ডিপুটি কম্মিস্নর	চেয়রমেন/চেয়রপরসন
      ২।	চিফ মেডিকেল ওফিসার (সি.এম.ও)	মেম্বর
      ৩।	ওরথোপেদিক সরজন (ফংবগী মখা পোনগনি।)	মেম্বর
      ৪।	জোনেল ইদুকেসন ওফিসার (জেৎ.ই.ও)	মেম্বর
      ৫।	ডিষ্ট্রিক্ট সোসিয়েল ৱেলফ্যার ওফিসার	মেম্বর সেক্রেটরি।

      (i) ক্যার গিভর এলাৱেন্স/মেন্টিনেন্স গ্রান্ট টু পারসন্স ৱিথ দিসএবিলিটিজ ৱিথ হাই সপোর্ট নিদস।

      • জিলা অসিদা বেনিফিসরি ৫ লৈরে।
      • দরখাষ্ট থাগদবা মীওই অদু আধার কার্দ পায়বা মণিপুরদা লৈবা মীওই ওইগদবনি।
      • দরখাষ্ট থাগদবা মীওই অদু মণিপুর সরকারগী সোসিয়েল ৱেলফ্যার ডিপার্টমেন্টনা পীবা ডিসএবলিটি সরটিফিকেট, ডিসএবল য়ু আই ডি য়াওগদবনি।
      • পীগদবা শেনফম্না থাগী ওইনা লুপা ১,৫০০/-।
      • শোইনাইবগী চাং চাদা ৮০ ওইবগা লোয়ননা মীৎ শোকপগী চাংনা চামাদা চামা ওইগদবনি।
      • চহিনা ১৯ দগী ৫৯ ফাওবগী মনুংদা লৈবা ওইগদবনি।

      (ii) সেল্ফ এমপ্লোইমেন্ট লোন ৱিথ সবসিদি টু দি পারসন ৱিথ দিসএবিলিটিজ:(শোনাইরবা মীওইশিংদা শিংলোইদবা শেনফমগা কোন্ননা মশানা মশাবু থবক পীজনবা পীবা লোন):

      • দরখাস্ত থাগদবা মীওইগী মশাগী চহি ৫৯ দগী হেল্লোইদবনি।
      •  দরখাস্ত থাগদবা মীওই অদু মণিপুর সরকারগী সোসিয়েল ৱেলফ্যার ডিপার্টমেন্টনা পীবা ডিসএবিলিটি সরটিফিকেট অমদি ডিসএবল য়ু.আই.ডি য়াওগদবনি।
      • লন্নাই মীওই অমখক্কী ওইরগদি সবসিদিগী শেনফম লুপা ২০,০০০/- নৎত্রগা নৎত্রগা অয়াবা ফংলবা প্রোজেক্টকী মমলগী চাদা ২৫% ফংগনি অদুমকপু খারা হনথাবা শেনফম অদুদা ওৈনা অয়াবা (Approval) পীগনি।
      • মমা মপাগী সংস্থান/শোয়নাইরবা মীশিংগী সংস্থানশিং ওইরগদি শেন্থংগী শেনফম লুপা ৪০,০০০০/- নৎত্রগা ফংলবা প্রোজেক্টকী মমলগী চাদা ২৫% ফংগনি অদুমকপু খারা হনথাবা শেনফম অদুদা ওৈনা অয়াবা (Approval) পীগনি।

      (iii) স্কিম ফোর স্কোলরশিপ ফোর ষ্টুদেন্স ৱিথ ডিসএবিলিটি (শোইনাইরবা মহৈরোইশিংগী স্কোলরশিপ স্কিম)

      • স্কিম অসিগীদমক্তা জিলা অমগী মহৈরোই অমখক্না কান্নবা অসি ফংগনি।
      • দরখাস্ত থাগদবা মীওই অদু আধার কার্দ পায়বা মণিপুরদা লৈবা মীওই ওইগদবনি।
      • মহাক সোসিয়েল ৱেলফ্যার ডিপার্টমেন্টনা পীবা ডিসএবিলিটি সরটিফিকেট অমদি ডিসএবল্ড ইউ.আই.ডি পায়বা মীওই ওইগদবনি।
      • কেন্দিদেট অদুগী নৎত্রগা মহাক্কী মমা মপাগী চাগা চহিদা ১,৮০,০০০/- দগী হেল্লোইদবনি।
      • ফংগদবা স্কোলরশিপকী শেনফম:
        

        সে:নং:	ক্লাস	চহিগী শেনফম
        ১।	ক্লাস ১ দগী ৫ ফাওবা	লুপা ৩০০০/-
        ২।	ক্লাস ৬ তগী ৮ ফাওবা	লুপা ৪০০০/-
        ৩।	ক্লাস ৯ দগী ১২ ফাওবা	লুপা ৬০০০/-
        ৪।	গ্রেজুয়েট অমসুং মসিগী মথক (টেক্নিকেল কোর্স পুম্নমক কোনশিনগনি)	লুপা ৮০০০/-

      (iv) ফ্রি ত্রেভেল এন্দ কন্সেসন টু পারসন্স ৱিথ ডিসএবিলিটিজ:

      • জিলা অমগী মীওই অমখক খনগনি।
      • দরখাস্ত থাগদবা মীশক অদু আধার কার্দ পায়বা মণিপুরদা লৈবা মীশক ওইগদবনি।
      • মহাক সোসিয়েল ৱেলফ্যার ডিপার্টমেন্ট, মণিপুরনা পীবা ডিসএবিলিটি সরটিফিকেট অমদি ডিসএবলগী য়ু.আই.ডি. পায়বা ওইগদবনি।

      (v) মেন্টিনেন্স গ্রান্ট ফোর ওল্ডর হোমলেস পারসন্স:

      • • দরখাস্ত থাগদবা মীশক অদু আধার কার্দ পায়বা মণিপুরদা লৈবা মীশক ওইগদবনি।
        • মহাক মশাগী চহি ৬০ শুবা মীওই ওইগদবনি।
        • অহল ওইরবশিং অদু দেজিগ্নেটেদ হোম অমদা য়ামদ্রবদা থা অহুম লৈরক্লবা মীওই ওইবগা লোয়ননা শাংথনা লৈরিমখৈ শেনফম অসি ফংগনি।
        • অদুম ওইনমক সরকারগী থবক্তগী পোত্থদুনা পেন্সন ফংলবা মীওই নৎত্রগা এন.এস.এ.পি. অমসুং এম.ও.এ.পি.গী ওল্ড এজ পেন্সন ফংলবশিংনা শেন্থং অসিগীদমক চন্নবা য়ারোই।
        • শেন্থং অসিগীদমক্তা চন্নবা য়ারবা মীওই অদুনা ফংগদবা শেনফম অসি থাগী ওইনা লুপা ১,০০০/-নি।

      থৱায় য়াওবশিংনা সি.এম.এস.টি স্কিম অসিগীদমক্তা অপিবা দরখাস্ত ফোরমেৎ অদু দাইরেক্টোরেটকী ৱেবসাইট www.socialwelfaremanipur.com দগী দাউনলোদ তৌরগা নৎত্রগা ডিষ্ট্রিক্ট সোসিয়েল ৱেলফ্যার ওফিসারদগী লৌরগা পিশিনবা য়াগনি।
      স্কিম অসিগীদমক্তা টামৈ, তৌশেম অমসুং তমেংলোং সব-দিভিজনশিংদা ডিপার্টমেন্ট অসিনা ডিষ্ট্রিক্ট এদমিনিষ্ট্রেসন, হেল্ঠ অমসুং এ.এল.আই.এম.সি.ও. গা খুৎশম্নরগা মশিং লেপথোক্নবা কেম্প পাঙথোক্লগনি।

      B. অন-এমপ্লোইমেন্ট এলাৱেন্স (ফোর দিসএবল):

      • দরখাস্ত থাগদবা মীশক অদু লাইরিক হৈবা থবক্তি ফংদ্রিবা লোয়ননা স্পিসিয়েল এমপ্লোয়মেন্ট এক্সচেঞ্জদা চহি অনিদগী তাদনা রেজিষ্টর তৌরবা মীওই ওইগদবনি।
      • ৱাখল চোইরবা মীওইখক নত্তনা অয়াম্বনা য়াওবা য়াই।
      • মশাগী চহি ১৮ দগী ৪৫ ফাওবগী মীওই ওইগদবনি।
      • চহিগী চাগা লুপা ৬০,০০০/- দগী হেল্লোইদবনি।
      • আধার কার্দ পায়বা মণিপুরদা লৈবা মীওই ওইগদবনি।
      • ডিসএবিলিটি সরটিফিকেট, পাসপোর্ট ফোটো ৩, ইনকম সারটিফিকেট, অরোইবা পারিক্ষাগী সরটিফিকেট, এমপ্লোয়মেন্ট এক্সচেঞ্জগী রেজিষ্ট্রেসন কার্দ, থবক থিবগী সরটিফিকেট, বেঙ্ক পাস বুক কী জিরোক্স অমসুং আধার কার্দ য়াওগদবনি।